Аваргын төлөө Замби vs Кот д’Ивуар

Хар тивийн хөлбөмбөгийн аварга шалгаруулах Африкийн цомын тэмцээний финалын тоглолт ирэх ням гаригт болно. Аваргын цом булаалдахаар Замби болон Кот д’Ивуарын шигшээ багууд шалгараад байна. Тус хоёр багийн хувьд өчигдөр болсон хагас шигшээ тоглолтод тус тусын учраагаа буулган авснаар финалд өрсөлдөх эрхтэй болжээ. Ингэхдээ хагас шигшээгийн хоёр тоглолт хоёул 1:0 гэсэн харьцаатай өндөрлөсөн байна.

Хар тивийн хүчирхэг багуудын нэг Ганатай хагас шигшээд “учирсан” Замбийн багаас тоглолт өндөрлөхөөс 12 минутын өмнө Эммануэль Маюка гоолдсоноор багтаа ялалт авчирсан бол “Арсенал”-ын довтлогч Жервиньо Кот д’Ивуарын багийн баатар нь байлаа. Мали улсын шигшээ багтай тоглосон тус тоглолтын 72 дахь минутад Жервиньо тоглолтын цорын ганц гоолыг оруулжээ. 

news.mn