Леви "Бейл зарагдахгүй гэдгийг та нарт итгэлтэй хэлж чадна"

            Тоттенхамын сүүлд гарч ирж байгаа залуу од Бэйл энэ улиралд гайхамшигтай тоглолт үзүүлж байгааг бид бүхэн мэдэх билээ. Тэрээр аваргуудын лийгт Интерийн хаалганд хийсэн хат триктэй нийлээд 4 гоол, Английн Дээд лийгт 5 гоол хийгээд байгаагаас гадна өөрийн уран гоё бөмбөг эзэмшилт, дамжуулалтаараа хэн бүхнийг бишрүүлээд байгаа билээ. 


Тиймээс ч түүнийг хэвлэлүүд аль хэдий нь хагас жилийн солилцооны цонхоор аль нэг хүчтэй багуудад зарагдах магадлалтай хэмээн бичиж байна. Харин Тоттенхэм Хотспур-ын тэргүүн Леви: “Уэлс одыг зарагдахгүй” хэмээн албан ёсоор мэдэгдээд байна.  Тэрээр багийн ээлжит хуралдаан дээр “би энэ багийн дарга болсон цагаас эхлээд клубээ зарах талаар нэг ч удаа бодож байгаагүй, хэрэв та том наймаа солилцооны тухай бодож байгаа бол” Бербатов, Каррик нарт 2-ууланд нь гэрээ дуусахад 2 жил үлдээд байсан. Гэвч тэд багийг орхихыг хүсч байсан. Энэ бол тэдний зарагдсан шалтгаан юм” гэсэн бөгөөд, үргэлжлүүлэн “Харин Гаретийн хувьд бидэнтэй урт хугацааны гэрээ хийсэн байгаа тул би та нарт түүнийг зарагдахгүй гэж итгэлтэй хэлж байна” гэжээ.

Багийн менежэр Харри Реднап ч мөн Фабио-ын суудал ганхаж байгаатай холбоотой Уайт Харт -с Английн шигшээ баг руу шилжих асуудал яригдаж байгаа билээ. Энэ талаар Леви “Харри бидэнтэй урт хугацааны гэрээтэй. Хэрэв Английн шигшээ баг түүнийг дуудвал бид албан ёсны тохиролцоо хийх хэрэгтэй” гэж нэмжээ.